Onsdag denne veka held han foredrag på Nordhordland Jakt og Fiskelag sin temakveld, om nettopp artsfiske – som har fortel at er ein av dei raskast veksande greinene innan sportsfiske i Norge.
Under temakvelden onsdag vert interesserte inviterte til å lære meir om kva denne fiskemåten handlar om.
Ulike metodar
– Artsfiske er, som namnet tilseier, fiske etter ulike fiskeartar. Absolutt alle fiskar ein kan få på stong i norske farvatn er med i rekninga, både saltvassfisk og ferskvassfisk, opplyser Hopland.
Han fortel vidare at artsfiske inkluderer alle typar stongfiske, og at metodane breier seg frå tørrflogefiske, via surfcasting til moderne meite- og kikkfiske med vindauge.
Me har vore så heldige å få bli med ut på fisketur etter arten lysing. Kor me var? Det er så hemmelig at det ikkje ein gong var liv å filma omgjevnadane. VIDEO: Magne Turøy/BA
– Her er det garantert mykje ny lærdom å plukka opp, både for ferske fiskarar og dei meir erfarne. Og dersom du trur at artsfiske berre handlar om å fiska småfisk i fjøresteinane, så tar du skammeleg feil. Artsfiske inkluderer alt frå fisk på eit par centimeter til nokon av verdas største, kjøttetande haiar – som til alt overmål finst i Nordhordland.
Kjend i området
Endre Hopland, som også er redaktør for Hooked.no, Norges største nettstad for fiske, skal sjølv stå for den faglege biten under temakvelden i Nordgardsløa på Frekhaug. Sidan han primært fiskar i lokalområdet, er det ikkje fritt for at det også kjem til å dukka opp nokre tips som kan vera spesielt gode her på våre kantar, lokkar han.
– Foredraget startar klokka 19.00, men dørene opnar ein halvtime før. Det heile varer i rundt to timar, og det er gratis inngang for alle. Både medlemmar og ikkje-medlemmar av Nordhordland Jakt og Fiskelag er hjarteleg velkomne, opplyser Hopland.
- Les også: Nokre samlar på frimerke, medan andre samlar på fotballklistremerke. Endre Hopland samlar på fisk