Stortingsrepresentant for Høgre, Bjørn Lødemel, deler partifelle og ordførar Sven Flo sin frustrasjon over at ein ikkje har funne plass til landslinje i statsbudsjettet.
– Det har vore jobba lenge og godt og eg er skuffa over at ein ikkje har fått på plass ei landslinje, seier Lødemel.
Han seier utfordringa ligg i at det er varsla gjennomgang av heile landslinje-ordninga, og at det er årsaka til at det ikkje blir løyvd pengar til etablering av nye landslinjer.
– Søknaden står på vent slik det er no, seier Lødemel. Han vil berømme både Flo, Stryn vidaregåande og Fylkeskommunen for jobben som er gjort, og forsikrar at han kjem til å jobbe vidare for å få på plass ei landslinje.
–Søknaden ligg framleis i køen og eg veit den ligg høgt oppe i prioriteringa, seier stortingsrepresentanten.