Ap sin stortingsrepresentant i Telemark, Sigvald Oppebøen Hansen, har hatt fleire møter med justisminister Grete Faremo om den føreslåtte samanslåinga av 110-sentralane, melder Telemarksavisa

- Statsråden har lytta i fleire rundar. Vi skal også ha eit møte onsdag. Eg trur og føler at eg har fått gehør for mine synspunkt, seier Sigvald Oppebøen Hansen til avisa.

Han trur prosessen vil bli stansa, og at det skjer denne veka.

Oppebøen Hansen meiner det er heilt feil tidspunkt å endre på plasseringa av 110-sentralane.

- Samanslåing av alarmsentralar og politidistrikt er eit politisk spørsmål. Det er snakk om ein stor sentraliseringsprosess. Då er det så politisk at det bør vi politikarar ta beslutningar på. Det er feil å overlate dette til byråkratane, seier han til Ta.no.