Sogn og Fjordane kan bli skåna når regjeringa skal kutte i talet på politidistrikt, seier Tor Bremer til NRK Sogn og Fjordane.
Politidirektoratet har signalisert at 27 politidistrikt i 19 fylke er for mykje, og vil redusere talet distrikt.
Tor Bremer har lagt fram fylket si sak til Ap-medlemmene i justiskomiteen på Stortinget, og seier han har fått positive tilbakemeldingar.
- Ingen av argumenta til byråkratane har klart å overtyde om at vi vil få betre tenester ved å endre distriktsgrensene. Det blir nok ein viss reduksjon i fylke der det er fleire politidistrikt, seier Bremer.